Ózbekstan Respublikası Prezidenti Shavkat Mirziyoyev basshılıǵında 10-sentyabr kúni ótkerilgen videoselektor májilisinin’ 44-sanlı Bayanı tapsırmasına muwapıq Respublika ministrlik hám iri kárxanalar baslıqları Nókis qalasındaǵı Prezident mektebi oqıwshıları menen ushırasıwlar ótkermekte.
Náwbettegi ushırasıw Qaraqalpaqstan Respublikası Ministrler Keńesi baslıǵınıń birinshi orınbasarı - Qaraqalpaqstan Respublikası Ekonomikalıq rawajlandırıw hám kámbaǵallıqtı qısqartıw ministri Erlepesov Nurullan Umirzaqovich penen bolıp ótti.
Ushırasıw dawamında oqıwshı jaslarǵa mámleketimizde ámelge asırılıp atırǵan reformalardıń mazmun-mánisi, ekonomikalıq rawajlandırıw hám kámbaǵallıqtı qısqartıw máseleleri menen tanıstırıp ótti.
