Nókis qalasındaǵı Ibrayim Yusupov atındaǵı dóretiwshilik mektepinde ushrasıw bolıp ótti

Usı jıldıń 6-aprel kúni Nókis qalasındaǵı Ibrayim  Yusupov atındaǵı dóretiwshilik mektepinde Ózbekstan jazıwshılar awqamı aǵzaları  Ózbekstan xalıq shayırı Usmon Azim, Ózbekstan xalıq shayırı Maxmud Toir, Ózbekstan Respublikasına xızmet kórsetken mádeniyat ǵayratkeri, Qaraqalpaqstan xalıq shayırı Rustam Musurmon, «Yoshlik» jurnalı redaktorı Nodir Jonuzoq hám Qaraqalpaqstan Respublikası Jazıwshılar awqamı aǵzaları qatnasıwında ushrasıw bolıp ótti.
Ushırasıwǵa miyman sıpatında qatnasqan jazıwshı-shayırlar qaraqalpaq hám ózbek ádebiyatınıń óz-ara baylanıslılıǵı, qaraqalpaq ádebiyatınıń ózbek xalqı kitapqumarları tárepinen qızıǵıwshılıǵı, oqılıwı hám úyreniliwi haqqında aytıp ótti. Ushırasıwda sózge shıqqan shayırlar jas dóretiwshi oqıwshılarǵa ózleriniń ádebiyat dúnyasına kirip keliwi hám óz dóretiwshiligi haqqında qızıqlı maǵlıwmatlardı aytıp ótti. Ushırasıw qızıqlı soraw-juwaplarǵa bay tárizde bolıp ótti hám oqıwshılarda úlken tásirler qaldırdı. Ushırasıw sońında miymanlar tárepinen ózbek ádebiyatınıń eń jaqsı kitapları mektep kitapxanasına sawǵa etildi.