Usi jıldıń 2-aprel kúni I.Yusupov atındaǵı dóretiwshilik mektebi oqıwshıları "Xalıqaralıq balalar kitapları" kúni múnásibeti menen Respublika balalar kitapxanasında sayaxatta boldı. Sayaxat dawamında oqıwshılar kitapxanadaǵı balalar ushın ózbek, jáhan hám qaraqalpaq ádebiyatlarında belgili jazıwshı-shayırlar shıǵarmaları menen jaqınnan tanıstı. Sonday-aq, 2021-jılda jańadan baspadan shıqqan bestseller kitaplar hám olardıń avtorları menen jaqınnan tanıstırıldı. Balalar kitapxanasında mektebimiz oqıwshıları ózleri qızıǵıp oqıǵan kitaplar haqqında óz tásirlerin aytıp berdi hám saxnalıq kórinisleri qoyıp berildi.
