Usı jıldıń 27-aprel kúni Nokis qalasındaǵı I.Yusupov atındaģı dóretiwshilik mektebinde "Ayaziy bilimdanları" atlı tańlaw bolıp ótti. Tańlaw ùsh shàrtten ibarat bolıp, oqıwshılar hàrbir shàrtti orınlawda óz bilimlerin, shaqqanlıqların kórsetip bardı. Tańlaw shàrtleri tóreshi aģza sıpatında shaqırılģan QMU docenti, filologiya ilimleri kandidatı B.Ubaydullaev, 32-sanlı mekteptiń joqarı kategoriyalı qaraqalpaq tili hàm àdebiyatı pàni oqıtıwshısı X.Qudaynazarovalar tàrepinen àdil bahalandı. Tańlaw juwmaǵında joqarı nátiyje kórsetken oqıwshılar 6-may kúni bolıp ótetuģın sıylıqlaw màresiminde sıylıqlanadı.
