Usı jıldıń 12 may kúni I.Yusupov atındaǵı dóretiwshilik mektebinde Ingliz tili páninen Nókis qalasındaǵı Prezident mektebi menen birgelikte “Happy childhood” atamasında ushrasıw shólkemlestirildi. Ushrasıwda eki mektep oqıwshıları belsendilik penen qatnastı hám ózleriniń “How to make a good speech?”, “Children learn what they live with”, “Achieving dreams” atlı temalarında sáwbet ótkerildi hám óz pikirlerin hár túrli prezentaciyalar hám videorolikler arqalı kórsetti. Bunnan tısqarı Prezident mektebi oqıwshıları tárepinen roboto-texnika kurslarında ámelge asırǵan jumısları úlgi sıpatında kórsetildi. Ótkerilgen ushrasıwdan maqset oqıwshılar ortasında bilim hám kónlikpelerin bólisiw, olar ortasında doslıq múnásibetlerin ornatıw hám keleshekte ámelge asırılatuǵın jumıslar hám wazıypalar belgilep alındı.
