Agentlikka doir qaysi mavzu aholini ko‘proq qiziqtirishi haqida so‘rovnoma o‘tkazgan edik. Qatnashuvchilarning 64 foizini “Prezident maktablarining o‘qitish metodikasi” qiziqtirarkan. Quyida shu haqida:
Prezident maktablarida xalqaro standartlarga muvofiq Cambridge o'quv dasturi orqali darslar olib boriladi. Albatta, bunda milliy o'quv dasturi bilan ham uyg‘unlik inobatga olingan. Darsda o’qituvchining emas, balki o‘quvchining faolligi, dars markazida bo‘lishi muhim. O‘quvchi dars davomida shunchaki tinglovchi bo‘lib qolmaydi, balki u asosiy ishtirokchidir.
Mazkur dastur amaliy mashg‘ulotlar va savol-javobga asoslangan jarayonlar bilan kengroq boyitilgan. O‘qituvchi har bir o'quvchining individual ehtiyojidan kelib chiqib dars jarayoniga yondoshadi.
Bundan tashqari, Prezident maktablari o‘quv dasturi bilimni shunchaki xotirada saqlab qolish emas, balki fikrlash va tahlil qila olish qobiliyatini ham shakllantirishni ko‘zda tutadi.
