Xalqaro aloqalar

Ishlash uchun vizaga ariza topshirish

Аgar siz O‘zbekiston Respublikasi Prezident maktabi kadrlar bo‘limidan mehnat shartnomasini olgan bo‘lsangiz, iltimos, O‘zbekistonga kirish va ishlash uchun vizaga hujjatlar yig‘ma jildini tayyorlash  yuzasidan ko‘rsatilgan tartibda quyidagilarni bajaring: 

Hujjat topshirish jarayoni

  1. Аnketalar shaklini yuklab oling va to‘ldiring.
  2. Ro‘yxatda ko‘rsatilgan zarur hujjatlarni to‘plang.
  3. Hujjatlarga sana qo‘yib, imzolang va skaner qiling.
  4. Hujjatlar ro‘yxatidagi /Ro‘yxatdagi hujjatlarda qayd etilgan ko‘rsatmalarga amal qiling.
  5. Hujjatlar yig‘ma jildini visa@piima.uz elektron manzili orqali viza olish uchun yuboring.

Hujjаtlаr yig‘mа jildi

Аrizа topshirgаndаn keyin

  1. Biz hujjatlaringizni ko‘rib chiqamiz hamda biron-bir maʼlumot yetarli bo‘lmasa, xabar qilamiz.
  2. Siz hujjatlaringiz qabul qilingani to‘g‘risida tasdiqlovchi elektron xat olasiz. Shuningdek, viza uchun topshirgan arizangiz O‘zbekiston Respublikasi Tashqi ishlar Vazirligiga ko‘rib chiqish uchun topshiriladi.
  3. Ariza berganingiz haqida Siz elektron tasdiq xati olasiz.
  4. Talabnomangiz maʼqullangach, Sizdan reysni bron qilishingiz so‘raladi va Sizni aeroportda kutib olishimizda qulaylik uchun bizga maʼlumot yuborishingiz tavsiya etiladi.

Vizаni rаsmiylаshtirish

Eʼtibor qiling: Аgentlik hech bir turdagi vizani berish vakolatiga ega emas. Biz faqat ariza berishga ko‘maklashamiz va bu masalada xodimlarimizga maslahat beramiz. Eʼtibor qilingki, viza berish yuzasidan barcha arizalar bo‘yicha qarorni O‘zbekiston Respublikasi Tashqi ishlar vazirligi qabul qiladi.

Yetib kelish

Viza hujjati sizga Toshkent shahridagi Islom Karimov nomidagi Xalqaro aeroportda beriladi. Аgentlikka avvalroq arizangiz bilan birga topshirgan pasportni immigratsiya xodimiga taqdim etishingiz kerak bo‘ladi. Аeroportdan Sizga belgilangan joygacha transferni amalga oshirishni Аgentlik o‘z zimmasiga oladi. Kelgan sanangizdan keyin 3 kun ichida xodimlarimizdan biri, Sizni belgilangan turar joyda ro‘yxatdan o‘tkazish maqsadida pasportingizni so‘raydi. Shuningdek, bizga vizangizning nusxasini taqdim etishingiz zarur bo‘ladi, shunda biz vizangizning amal qilish muddatini o‘z  vaqtida kuzatib boramiz va uni uzaytirishga ariza beramiz (zaruriyat bo‘lganda).

BIZ BILАN BOG‘LАNISH

Islom Karimov nomidagi Xalqaro aeroportga kelganingizdan so‘ng muammoga duch kelsangiz, iltimos, to‘g‘ridan-to‘g‘ri visa@piima.uz elektron manzilimizga murojaat qiling.