Ixtisoslashtirilgan taʼlim muassasalari agentligi tizimida 3 ta Muhammad al-Xorazmiy, Mirzo Ulugʼbek, Аbu Аli ibn Sino nomidagi tayanch ixtisoslashtirilgan maktab hamda 179 ta hududiy ixtisoslashtirilgan maktab va maktab-internat faoliyat yuritmoqda.
Oʼquvchilarga kasb oʼrgatish ishlari:
Ixtisoslashtirilgan maktablarda oʼquvchilarning qiziqishlaridan kelib chiqib kasblar roʼyxati shakllantirildi hamda oʼquvchilar faoliyat olib borayotgan ishlab chiqarish korxonalariga, hunarmadchilik markazlariga 10-11-sinf oʼquvchilari jalb etilgan.
Ishlab chiqarish korxonalarida oʼquvchilar texnika xavfsizligi, mahsulotlarni tayyorlash, ishlab chiqarishga yoʼnaltirish, tayyor boʼlgan mahsulotlarni mahalliy va xalqaro bozorga olib chiqish jarayonlari bilan tanishtirib boriladi.
Shu bilan birga dars jarayonlarini ishlab chiqarish jarayonlari, kasbga yoʼnaltirish bilan integratsiya qilish, kelgusida oʼquvchilarning qiziqishiga qarab oliy taʼlim muassasalariga yoʼnaltirish yoʼlga qoʼyilgan.
Ikkinchi xorijiy tilni oʼqitishni joriy etish ishlari:
Аgentlik tizimidagi ixtisoslashtirilgan maktab va maktab-internatlarda 2023-2024 oʼquv yilidan bosqichma-bosqich ikkinchi xorijiy tilni tajriba-sinov sifatida oʼqitish yoʼlga qoʼyilmoqda.
Kelgusidagi rejalar:
Mirzo Ulugʼbek, Muhammad al-Xorazmiy nomidagi ixtisoslashtirilgan maktablarning taʼlim jarayonlarini xalqaro bakalavriat (International Baccalaureate-IB) tashkiloti akkreditatsiyasiga tayyorlash;
baholash tizimini va tanlov fanlarini oʼqitishni umumtaʼlim maktablariga joriy etish maqsadida belgilangan tajriba-sinov umumtaʼlim maktablariga uzluksiz metodik yordam koʼrsatib borish.
Ixtisoslashtirilgan maktablarni tashkil etishdan maqsad ulugʼ allomalar Muhammad al-Xorazmiy, Mirzo Ulugʼbek, Аbu Аli ibn Sinolarning buyuk va bebaho merosini qadrlash, uni yosh avlod ongiga chuqur singdirish, oʼquvchilarning aniq fanlarning yuksak marralarini zabt etishiga koʼmaklashish, axborot-kommunikatsiya texnologiyalari sohasidagi iqtidorlarini aniqlash hamda qobiliyatlarini roʼyobga chiqarish hamda fundamental fan asoslarini egallashi uchun tegishli shart-sharoitlar yaratish;
bxtisoslashtirilgan maktablar tashkil etishga yagona yondashuvni shakllantirish, ushbu maktablar tarmogʼini kengaytirish, moddiy-texnika bazasini mustahkamlash hamda taʼlim jarayoniga malakali rahbar va pedagog kadrlarni jalb qilish, iqtidorli yoshlarni aniqlash, tanlash, oʼqitish va tarbiyalash tizimini takomillashtirish;
zamonaviy axborot va pedagogik texnologiyalardan keng foydalangan holda matematika, fizika, informatika, kimyo, biologiya va chet tillarini chuqur oʼqitilishini tashkil etish;
oʼquvchilarda dasturlash asoslarini, maʼlumotlar bazalarini shakllantirish va axborot xavfsizligi koʼnikmalari va media madaniyatni maktab davridan boshlab shakllantirish;
yuqori kasb mahoratiga ega boʼlgan pedagoglarni jalb etgan holda yosh matematiklar, yosh fiziklar, yosh dasturchilar, yosh ixtirochilar, yosh biologlar va kimyogarlar jamoalarini tashkil qilish, ularning respublika va xalqaro fan olimpiadalarida muntazam ishtirok etishlarini taʼminlash;
oʼquvchilarni chet tilini bilish darajasini tasdiqlovchi milliy va xalqaro eʼtirof etilgan sertifkatlar olishga tayyorlash.
