Prezident ta’lim muassasalari agentligi tizimidagi Nukus shahridagi Prezident maktabiga o‘qishga kirgan Ayjamal Sakbergenova juda iste’dodli. O‘qituvchilar oilasida tug‘ilgan Ayjamal 1-sinfda o‘qigan vaqtidayoq 4-sinf masalalarini bemalol ishlay olgan.
Ayjamal o‘qishga qiziqishi juda yuqori bo‘lsa-da, oilada katta farzand ekanligi, ukasiga qarab, yolg‘iz onasiga yordam berishi lozimligi va onasi uni maktab-internatga yubormasligini bilar edi. Lekin u bilimini sinab ko‘rish uchun onasidan ruxsat oldi. Onasi Ayjamalga imtihonlarda savollarning bir nechtasini ataylab xato ishlash sharti bilan ruxsat berdi. Shunga qaramay, u tengdoshlari orasida ikkinchi o‘rinda o‘qishga qabul qilindi...
Shu kunlarda Ayjamal Sakbergenova va uning oila a’zolari bilan intervyu tashkil etishni rejalashtirganmiz. Agentlik rahbariyati esa Ayjamalning onasini ko‘ndirishga harakat qilmoqchi.
