“Erkin Vohidov – nodir iste’dod sohibi” nomli ijodiy tanlovi g‘oliblari aniqlandi

Farg‘ona viloyati Marg‘ilon shahrida Erkin Vohidov nomidagi ona tili va adabiyoti fanini chuqur o‘qitishga hamda xorijiy tillarga ixtisoslashtirilgan maktab-internatni Prezident, ijod va ixtisoslashtirilgan maktablarni rivojlantirish agentligi tasarrufidagi ijod maktablari o‘quvchilari orasida “Erkin Vohidov – nodir iste’dod sohibi” nomli ijodiy tanlovi o‘tkazdi.

Tanlov oʻquvchilarning boʻsh vaqtlarini mazmunli tashkil etish, iqtidorli oʻquvchilarni qoʻllab-quvvatlash, ularning isteʼdodini yanada rivojlantirish, ijodkor oʻquvchilar oʻrtasida sogʻlom raqobat muhitini yaratish, ilmiy tadqiqot, nazm, nasr hamda AKT sohasidagi qobiliyatlarini namoyon qilishlariga imkoniyat yaratib berish maqsadida tashkil etildi.

“Erkin Vohidov – nodir iste’dod sohibi” nomli ijodiy tanlovi ijod maktablarining o‘quvchilari o‘rtasida quyidagi yo‘nalishlar bo‘yicha onlayn shaklda o‘tkazildi: 
- nazm yo‘nalishi (Erkin Vohidov hayoti va ijodiga bag‘ishlov ruhidagi she’rlar); 
- nasr yo‘nalishi (Erkin Vohidov hayoti va ijodiga bag‘ishlov ruhidagi nasriy asarlar); 
- badiiy publisistika yo‘nalishi (Erkin Vohidov hayoti va ijodining badiiy-publisistik janrdagi asarda yoritilishi);
 - badiiy tarjima yo‘nalishi (Erkin Vohidov asarlarining xorijiy tillarga tarjimalari); 
- “Erkin Vohidov hayoti va ijodi bilimdonlari” yo‘nalishi (Erkin Vohidov hayoti va ijodi yuzasidan tuzilgan onlayn test sinovlarida va “zoom” ilovasi orqali o‘tkaziladigan savol-javoblarda ishtirok etish); 
- teleradiojurnalistika yo‘nalishi (Erkin Vohidov hayoti va ijodiga oid 3-5 daqiqali video va audiolavhalar tayyorlash).

Tanlov shartlarini bilimdonlik bilan bajargan o‘quvchilar haqiqatdan ham Erkin Vohidov asarlari buyuk ekanligini yana bir bor isbotladilar. Natijalarga quyidagi o‘quvchilar g‘oliblikni qo‘lga kiritdilar.